Meethi Meethi Si Yaadein

Yaadon ka aana jaana

Shabdon ka taana baana

Bheeni bheeni si khushboo

Aur khushboo ka mehkana

Madhyam madhyam Pawan

Aur Pawan ka sehlana

Uspe bheeni si baarish

Aur baarish ka nehlana

Chanchal sa ye man

Aur man ko Yun behlana

Phir Bhi chalta Chala wo

Phir usko Yun Thehrana

Aaj jhakiyan Nikli hai

Jhakiyon ka ye Kehlana

Ye meethi si yaadein

Dhoondhe koi Bahana

Bahaane se Yun aana

Aake ye batlana

Wada hai hogi hamesha

Sang hi hogi ravana

Kabhi hare bhare patte

Uspe chidiyon ka baithna

Kabhi gali mein khelte bachhe

Aur unka Yun chehekna

Kabhi satana kabhi hasana

Kabhi roothna kabhi Manana

Kabhi dil ki dehleez pe

Unka Yun khatkhatana

Kuch khona aur kuch paana

Kuch nai yaadein banana

Kuch suron ko jodna

Phir gaana gungunaana

Ye jeevan ki hai gaadi

Kabhi halki kabhi bhari

Atakti chalti garaari

Ye silsila rahega zaari

Yaadon ka aana jaana

Shabdon ka taana baana

Bunte pirote jaate hai

Aur ban jaata hai afsana

Jaya Sonkar MD MPH

6.22.2021

©All rights reserved. Jaya Sonkar  2021