Ek chidiya pinjra tod gayi

 Ek chidiya pinjra tod gayi!

Ek chidiya pinjra tod gayi

Pinjre mein sukh dukh dono the

Sukh sanjoye, dukhon ko chhod gayi

Ek chidiya pinjra tod gayi

Ek bandhan se riha hui

Jis bandhan ko saja ke rakhti thi

Par bandhan to bandhan hi tha

Rihai mein apnapan hai

Wo bandhan mukt ho ud gayi

Kiwaad jahaan ke khol gayi

Aanchal aasmaan ka odh gayi

Ek chidiya pinjra tod gayi

Ek chidiya pinjra tod gayi

Ek meetha dana chhod gayi

Ek janam mein kai addhyaya

Janmo janmo ke padh gayi

Ek chidiya pinjra tod gayi

Pashchim se wo mukh mod gayi

Udi, suraj ki ore chali

Ek chidiya pinjra tod gayi

Dr. Jaya Sonkar MD MPH

9.22.2022

©All rights reserved. Jaya Sonkar  2022