Chhoti si aasha hai!

Chhoti si asha!

Rango se bhara ek jeevan ho

Suraj ki kirne ho

Rango ke baadal ho,

Taaron ki chhaaon mein

Chandni ka aanchal ho

Neela sa aasman ho

Chidiyon ki boli ho

Fagun ka mahina ho

Ji bhar ke Holi ho

Pedon ki chhaon mein 

Mamta ka aanchal ho,

Sundar sa Rasta ho

Aur samne manzil ho

Lehrate kheton ke beech,

Chhota sa gaaon ho,

Nadiya ke Pani ka

Sheetal bahaav ho,

Us chhote se gaaon mein

Logon ka jamghat ho

Peepal ke ped ke 

Neeche hi baithak ho

Kone pe paani ke paas

Chhota sa Aashiyana ho 

Bachhon aur boodhon ka

Khelna khilkhilana ho

Ghar ko Roshan Kar de

Aisa pyara sa pyar ho

Phoolon ki maala ho

Khushiyon ka haar ho

Jeevan ki yatra mein

Achha sa sathi ho

Sukh dukh mein, har pal mein

Diya aur baati ho

Jab murjhaye phool ye

Mehki si yaadein ho

Yaadon ke karavan mein

Meethi si baatein ho

Rango se bhare

Ek poore jeevan ki

Shanti aur sukh

Kathinaiyon or jeeton ki

Chhoti si aasha hai

Poori ho, Mansa hai

Koshish hai, prayas hai

Jeevan ye poora ho

Rango se Bhara 

Ek pyara sa jeevan ho

-Jaya Sonkar MD MPH

In Hindi language ( using Roman script for phonics instead of devnagri script)

©All rights reserved. Jaya Sonkar  2021