Kyun lagta hai dar
Unchaiyon se
Zameen ki
Gehraaiyon se
Kyun hota hai bhay
Hahakaar ka
Cheekhon ka
Aur lalkaar ka
Kyun kuch bhi hota hai
Aur kuch jo nahi hota
Kahan se aaye Hain
Kahan ko jaayenge
Kyun lapata sa apna ye
Aashiyana lagta hai
Kyun bheed mein bhi
Tanha ye shamiyana lagta hai
Ye Jeet Kya ye haar Kya
Ye dand, puraskaar Kya
Ye kyun hai, wo Kahan hai
Beghar Kya, gharbaar Kya
Na main hai, na wo hai
Na Mera na tera
Ye sabkuch sabka hai
Raja Kya, darbaar Kya
Aaye ho yahan to
Padchinh chod ke jao
Man mein ek Sundar sa
Chitra bana le jao!
Jaya Sonkar MD MPH
5.28.2021
©All rights reserved. Jaya Sonkar 2021
No comments:
Post a Comment