Kabhi door to kabhi paas

Paas se dekho to

Zameen Nazar aati hai

Door se dekho to

Prithvi ban jaati hai

Paas se dekho

To taaron se badi ban jaati hai

Door se dekho

To taaron ki beti nazar aati hai

Paas se dekho to 

Baariki Nazar aati hai

Door se dekho 

To tasveer ban jaati hai

Paas hoke 

Dooriyan Nazar aati hai

Door hue to

Karibiyan Yaad aati hai

Ek ek pal 

Bahut lamba Nazar aata hai

Jab saal ban Gaya to

Yun ek jhalak mein Chala jaata hai

Jab saath the

To chah thi ki ant na ho

Jab door hue to

Jaana ki anant hai wo

Jab chal rahe the

To Safar bahut lamba tha

Jab pahunch Gaye

To laga ki ye to sapna sa tha

Kabhi dur the

to kabhi paas

Kabhi gum the

Kabhi hasya

Ek lambe Safar ka

Halka sa abhaas 

Har pal ho yaadgar

Bas itni si aas

Kamiyan sarvatra hai

Sarvatra hai gun

Chun Chun ke vicharon

Ka taana baana bun

Yo soch hi Sukh deti hai

Soch hi karti Dukhi

Suraj ki taraf dekho

Ae surajmukhi!

Jaya Sonkar MD MPH

©All rights reserved. Jaya Sonkar  2021