Ye Zindagi

Ye Zindagi

Kamaan mein chhupe baan 

Laayi hai Zindagi

Kaaya mein base praan

Laayi hai Zindagi

Dil mein Kai toofan

Hai halchal, hain mushkilein

Jeevan Satya ko tu jaan

Jo paayi hai Zindagi

Patjhad kabhi bahaar

Dikhati hai Zindagi

Yu aneko naye logon se

Milati hai Zindagi

Chalta chalega Kya

Thum ja kabhi kahin

Ehsaas Pancho tatvon ke

Karayegi Zindagi

Ye mitti, ye pawan

Ye nishchal sa sheetal jal 

Ye Agni, ye aasmaan

Samati hai Zindagi

Tu pareshan hai, 

Lachaar kyun banati hai Zindagi

Jine ki chah jaga ke

Satati hai zindagi

Koi samjhaye ,Koi dikhaye

Kya Batati hai Zindagi

Tatva Amar hai, 

kuch hai Jo Atma hai

Shareer mein to Yun hi 

Aati jaati hai zindagi

Jaya Sonkar MD MPH

5.28.2021

©All rights reserved. Jaya Sonkar  2021